बेळगाव : दोन दिवसांपासून सुरू असलेल्या संततधार पावसामुळे दुर्गामाता रोड जुने गांधीनगर येथील एका घराची भिंत कोसळली आहे. मंगळवारी सकाळी 10 च्या सुमारास ही घटना घडली असून सुदैवानेच यात कोणतीही जीवितहानी झाली नाही. मात्र घरमालक रमेश गंगाराम पाटील यांचे नुकसान झाले आहे. त्यामुळे संबंधित अधिकाऱ्यांनी नुकसानभरपाई मिळवून देण्यासाठी प्रयत्न करावेत, अशी मागणी केली जात आहे. संततधार पावसामुळे जुन्या घरांची पडझड होण्यासह झाडे देखील मोडून पडत असल्याने खासगी तसेच सार्वजनिक मालमत्तांचे नुकसान होत आहे. त्यातच मातीच्या घरांची पडझड होण्यासह नुकसान होण्याच्या घटनांत वाढ झाली आहे. दुर्गामाता रोड जुने गांधीनगर येथे वास्तव्यास असलेल्या रमेश पाटील यांच्या घरची मागील बाजूची भिंत पावसामुळे भिजल्याने मंगळवारी कोसळली. या घटनेत संसारोपयोगी साहित्याचे नुकसान झाले आहे. घराची भिंत कोसळल्याने मनपा तसेच संबंधित अधिकाऱ्यांनी भेट देऊन भरपाई द्यावी, अशी मागणी केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
