नवी दिल्ली \ ऑनलाईन टीम
तौक्ते चक्रीवादळाचा गुजरात, गोवा आणि महाराष्ट्र या राज्यांना जोरदार फटका बसला आहे. या वादाळामुळे मोठे नुकसान झाले आहे. तौक्ते चक्रीवादळाचा गुजरातच्या पश्चिम किनारपट्टीला जोरदार तडाखा बसल्यानंतर पंतप्रधान नरेंद्र मोदी यांनी या भागाची आज पाहणी केली. या दौऱ्यानंतर झालेल्या बैठकीमध्ये पंतप्रधान नरेंद्र मोदी यांनी गुजरातमधल्या वादळग्रस्त भागासाठी तब्बल १ हजार कोटींची तातडीच्या मदतनिधीची घोषणा केली आहे.
तौक्ते चक्रीवादळाचा गुजरात, गोवा आणि महाराष्ट्र या राज्यांना जोरदार फटका बसला आहे. तौक्ते चक्रीवादळाचा फटका बसलेल्या भागात मृतांच्या नातेवाईकांना २ लाख रुपये तर जखमी झालेल्यांना ५० हजार रुपयांची मदत जाहीर करण्यात आली आहे. गुजरातमध्ये निर्माण झालेल्या परिस्थितीचा आढावा घेण्यासाठी आणि नुकसानीचा ताळेबंद लावण्यासाठी केंद्रीय पथक पाठवलं जाणार असल्याचं पंतप्रधान कार्यालयाकडून स्पष्ट करण्यात आलं आहे.
