ऑनलाईन टीम/तरुण भारत
जम्मू-काश्मीरमधील शोपियानमध्ये दहशतवाद्यांनी केंद्रीय राखीव सुरक्षा दलाच्या (सीआरपीएफ) जवानाची शनिवारी गोळ्य़ा झाडून हत्या केली आहे. गेल्या तीन दिवसांतील हा चौथा दहशतवादी हल्ला आहे. जम्मू-काश्मीरमधील शोपियानमधील छोटेपोरा गावात सुट्टीवर गेलेल्या सीआरपीएफ जवानाची दहशतवाद्यांनी गोळ्य़ा झाडून हत्या केली. या घटनेनंतर सुरक्षा दलांनी परिसराला वेढा घातला होता. आता या दहशतवाद्याला पकडण्यात सुरक्षादलाला यश आलं आहे.
दरम्यान, सीआरपीएफ जवान मुख्तार अहमद दोही यांच्यावर शनिवारी गोळीबार करणाऱ्या दहशतवाद्याला सुरक्षा दलांनी अटक केली आहे. सुरक्षा दलांनी दहशतवाद्यांकडून मोठ्या प्रमाणात शस्त्रास्त्रे आणि दारुगोळा जप्त केला आहे. एवढेच नाही तर दहशतवादी घटना घडवताना दहशतवाद्यांना मदत करणाऱ्या आणखी एका ओव्हरग्राउंड कामगारालाही अटक करण्यात आली आहे.
