खानापूर : मंगळवारी नागपंचमी असल्याने सोमवारी खानापूर बाजारपेठेत सकाळपासूनच खरेदीसाठी मोठ्या प्रमाणात गर्दी झाली होती. श्रावणातील पहिला सोमवार असल्याने मंदिरातून पूजा, अर्चा करण्यात आली होती. मंगळवारी नागपंचमी असल्याने बाजारपेठेत ग्रामीण भागातील नागरिकांच्या नागपंचमीच्या सणासाठी तसेच पूजेसाठी लागणाऱ्या साहित्याची खरेदीसाठी मोठ्या प्रमाणात गर्दी झाली होती. राजा छत्रपती चौकापासून ते ज्ञानेश्वर मंदिरपर्यंत दुकानात खरेदीसाठी लोकांची गर्दी दिसून येत होती. यात नागपंचमीच्या फराळाचे साहित्य, लाडू, चिवडा यासह पूजेसाठी लागणारे साहित्य व आळू आणि हळदीच्या पानांची विक्री होताना दिसून येत होती. तर काही लोक चिखलाच्या नागमूर्ती खरेदी करताना दिसून येत होते. दिवसभर पावसाची रिमझिम सुरू असतानाही बाजारात मोठी गर्दी झाली होती.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
