बेळगाव : सिटी सर्व्हे कार्यालयात शहरातील मिळकतधारकांना मिळकतींचे उतारे मिळविण्यासाठी यापूर्वी तासन्तास ताटकळत थांबावे लागत होते. त्यामुळे ही गैरसोय दूर करण्यासाठी सिटी सर्व्हे कार्यालयात उताऱ्यांचे वितरण करण्यासाठी स्वतंत्र काऊंटर सुरू करण्यात आले आहे. त्यामुळे त्या ठिकाणी रांगेत थांबून मिळकतदार उतारे मिळवत आहेत. जिल्हाधिकारी कार्यालय आवारात असलेल्या सिटी सर्व्हे कार्यालयातील विविध कक्षांची सुधारणा करण्यात आली आहे. अधिकाऱ्यांसाठी वरच्या मजल्यावर कक्ष तर खालच्या मजल्यावर उताऱ्यांचे वितरण करण्यासाठी काऊंटर सुरू करण्यात आला आहे. यापूर्वी अधिकाऱ्यांच्या कक्षातच मिळकतधारक उतारे घेण्यासाठी गर्दी करत होते. मात्र, आता ही गर्दी दूर होण्यास मदत झाली आहे. तसेच नागरिकांचीही गैरसोय दूर झाली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
