बेळगाव : नानावाडी रोडवरील एमएलआयआरसी रायगड गेटच्या बाजूला असलेल्या नाल्यात अडकलेल्या एका गायीची सुटका श्रीराम सेना हिंदुस्थान व अग्निशमन दलाच्या जवानांनी केली. शुक्रवारी दुपारी एक गाय नाल्यात पडली होती. ही बाब लक्षात येताच सामाजिक कार्यकर्ते अवधूत तुडवेकर, सुमीत मोरे, अजित कोरवी व अग्निशमन दलाच्या अधिकाऱ्यांनी प्रयत्न करून गायीला बाहेर काढले व तिच्यावर प्राथमिक औषधोपचार करण्यात आले. एमएलआयआरसी रायगड गेटनजीकच्या नाल्यात चरता चरता तोल जाऊन एक गाय पडली होती. सदर नाल्यातून गुडघाभर पाणीदेखील वाहत होते. ही माहिती समजताच सामाजिक कार्यकर्त्यांनी घटनास्थळी धाव घेऊन पाहणी केली. ही माहिती अग्निशमन दलाच्या जवानांना देण्यात आली. काहीवेळातच अग्निशमन दलाचे जवान घटनास्थळी दाखल झाले. त्यानंतर सर्वांनी प्रयत्न करून गायीला सुखरुप बाहेर काढले. घटनास्थळी पशुसंगोपन खात्याचे पशु निरीक्षकदेखील दाखल झाले. त्यांच्याकडून गायीवर उपचार करण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
