ग्राहकांना एचडीएफसी लाइफची जीवन विमा उत्पादने वितरित करणे शक्मय : लोकसंख्येच्या मोठ्या समूहापर्यंत पोहोचण्याची गरज
बेळगाव : लोकमान्य मल्टिपर्पज को-ऑप. सोसायटी व एचडीएफसी लाइफ या भारतातील अग्रगण्य विमा कंपनीमध्ये समन्वय करार झाला आहे. मुंबई क्षेत्रीय कार्यालयात झालेल्या कार्यक्रमात हा सामंजस्य करार नुकताच केला. ज्यामुळे ग्राहकांना एचडीएफसी लाइफची जीवन विमा उत्पादने वितरित करणे शक्मय होईल. भारतीय लोकसंख्येच्या मोठ्या समूहापर्यंत जीवन विमा पोहोचण्याची गरज आहे. त्यादृष्टीने हा समन्वय करार हे पहिले पाऊल आहे. या नवीन भागीदारीद्वारे जीवन विमा प्रवेश वाढवण्यात आणखी योगदान देऊ शकेल. एचडीएफसी लाइफ ही 2000 साली स्थापन झालेली भारतातील अग्रगण्य जीवन विमा कंपनी आहे. जी भारतातील एक अग्रगण्य, सूचीबद्ध, दीर्घकालीन जीवन विमा समाधान प्रदाता आहे, जी ग्राहकांच्या विविध गरजा पूर्ण करणाऱ्या वैयक्तिक व समूह विमा उपायांची श्रेणी प्रदान करते. कंपनीच्या पोर्टफोलिओमध्ये 60 हून अधिक उत्पादने व पर्यायी रायडर्स आहेत, जे ग्राहकांच्या विविध गरजा पूर्ण करतात. एचडीएफसी लाइफ तिच्या नाविन्यपूर्ण उत्पादनांसाठी व ग्राहक-केंद्रीत दृष्टिकोनासाठी ओळखले जाते, 99.7 टक्के प्रमाणांत क्लेम सेटलमेंटसह 68 लाखांहून अधिक लोकांचे जीवन सुरक्षित केले आहे.
करारामुळे विमा व्यवसायाला गती मिळण्यास मदत
नवीन भागीदारीबद्दल बोलताना, लोकमान्य मल्टिपर्पज को-ऑप सोसायटीचे अध्यक्ष किरण ठाकुर यांनी आनंद व्यक्त केला. ते म्हणाले, एचडीएफसी लाइफ इन्शुरन्ससोबतच्या करारामुळे आमच्या विमा व्यवसायाला गती मिळण्यास मदत होईल. भविष्यात दोन्ही कंपन्या संयुक्तरीतीने त्यांचा व्यवसाय वाढवतील आणि ग्राहकांना योग्य सेवा देतील. यावेळी लोकमान्य आणि एचडीएफसीच्या पदाधिकाऱ्यांनी करारावर स्वाक्षरी केली. त्यानंतर त्यांची देवाण-घेवाण करण्यात आली. याप्रसंगी लोकमान्य सोसायटीतर्फे अध्यक्ष किरण ठाकुर, सल्लागार प्रीतम बिजलानी, संचालक सई ठाकुर-बिजलानी, अभिजित दीक्षित-सीईओ आणि विमा व्यवस्थापक राहुल पाटील, एचडीएफसी लाइफचे समीर योगीश्वर (ग्रुप हेड बँका-अलायन्सेस), अनिता पेशकर (प्रमुख स्ट्रॅटेजिक अलायन्सेस) अनुज गर्ग (व्हीपी स्ट्रॅटेजिक अलायन्सेस), मोहनदास मुथ्या (व्हीपी बँका अशुरन्स), सुमित सरकार (व्हीपी बँका अशुरन्स), अनुज गुप्ता मुख्य व्यवस्थापक (स्ट्रॅटेजिक अलायन्स), रवी प्रकाश (सहयोगी विभागीय प्रमुख), कांचन मिश्रा (मुख्य खाते व्यवस्थापक) उपस्थित होते.
नवीन कॉर्पोरेट टायअप संस्थेसाठी महत्त्वाचा टप्पा
लोकमान्य सोसायटीचे सीईओ अभिजीत दीक्षित म्हणाले, की एचडीएफसी लाइफसोबत नवीन कॉर्पोरेट टायअप आमच्या संस्थेसाठी एक महत्त्वाचा टप्पा आहे. ही युती आमच्या ग्राहकांना विविध विमा योजनांचे पर्याय उपलब्ध करेल. एचडीएफसी लाइफ इन्शुरन्ससोबत भागीदारी करून आम्ही आमच्या ग्राहकांना वर्धित मूल्य आणि समर्थन सेवा प्रदान करण्याची अपेक्षा करत आहोत.
