सफाई कर्मचाऱ्यांना ठेकेदाराकडून कपड्यांचे वाटप

बेळगाव : महापालिकेने नियुक्त केलेल्या नवीन शहर स्वच्छता ठेकेदाराकडून सफाई कर्मचाऱ्यांना कपड्यांचे वाटप केले जात आहे. सोमवारी प्रभाग क्र. 10 मधील कपिलेश्वर बीटमध्ये येणाऱ्या सफाई कर्मचाऱ्यांना नगरसेविका वैशाली भातकांडे, स्वच्छता निरीक्षक आनंद पिंपरे यांच्या हस्ते कपड्यांचे वाटप करण्यात आले. शहरातील सर्व 58 प्रभागांच्या स्वच्छतेचा ठेका महापालिकेने एका नवीन ठेकेदाराला दिला आहे. संबंधित ठेकेदारांनी 1 ऑगस्टपासून अधिकृतरित्या कामाला सुरुवात केली आहे. कंत्राटी पद्धतीवर काम करणाऱ्या कर्मचाऱ्यांना ठेकेदारांकडून नवीन कपड्यांचे वाटप केले जात आहे. याची जबाबदारी स्थानिक नगरसेवक आणि स्वच्छता निरीक्षकांवर सोपविण्यात आली आहे. त्यानुसार प्रभाग क्र. 10 मधील कपिलेश्वर बीटमध्ये काम करणाऱ्या सफाई कर्मचाऱ्यांना सोमवारी नवीन कपड्यांचे वाटप करण्यात आले.