मडगाव : सध्या मडगावात गाजत असलेल्या ‘कथित बलात्कार’ प्रकरणासंबंधी बोर्डा मडगाव येथील शब्रीश मांजरेकर याला अटक करण्यात आली आहे. परवाना नसताना घरकामासाठी कामगार पुरवठा करणारा कंत्राटदार असल्याचे भासवून कोंब-मडगाव येथील एका गरजुकडून रोख 25 हजार रुपये घेऊन ती रक्कम कथित महिला कामगाराला न दिल्याच्या कारणास्तव मडगाव पोलिसांनी शब्रीश मांजरेकर याला अटक केली आहे. या संशयित आरोपीला भारतीय न्याय संहितेच्या 319 (2) 143 (1) (फ) आणि 318 कलमाखाली अटक केली आहे अशी माहिती दक्षिण गोवा पोलिस मुख्यालयाने पत्रकारांना दिली. कोंब-मडगाव येथील एका कुटुंबाला मोलकरणीची गरज होती. त्यासाठी वरील संशयित आरोपीने आपण घरकामासाठी मोलकरीण मिळवून देऊ असे सांगून एका व्यक्तीकडून रोख 25 हजार रुपये घेतले होते आणि नंतर ही रक्कम संबंधित मोलकरणीला दिलीच नव्हती. संशयित आरोपीने असे केल्याने या प्रकरणातील पीडित युवतीची फसवणूक झाली होती. या कारणास्तव पोलिसानी वरील संशयित आरोपीला अटक केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
