सांखळी बाजारातील काँग्रेस कार्यकर्त्यांचा भाजपात प्रवेश

सांखळी : सांखळी बाजारातील काँग्रेसच्या अनेक कार्यकर्त्यांनी गुरू. दि. 6 एप्रिल रोजी भाजप पक्षात प्रवेश केला. यावेळी मुख्यमंत्री डॉ. प्रमोद सावंत यांनी भाजप कार्यालयात झालेल्या कार्यक्रमात या सर्व कार्यकर्त्यांचे स्वागत केले. यावेळी भाजप मंडळ अध्यक्ष तथा जि. पंचायत सदस्य गोपाळ सुर्लकर, बाजार भागाचे नगरसेवक आनंद काणेकर, सुविधा पेडणेकर, सुदेश काणेकर, बूथ अध्यक्ष संतोष हळदणकर, विठोबा घाडी, नगरसेवक दयानंद बोर्येकर, शुभदा सावईकर, रश्मी देसाई, न्हावेलीचे सरपंच कालिदास गावस, हरवळेचे पंचसदस्य संजय नाईक व इतरांची उपस्थिती होती. साखळी बाजारातील राजदत्त मापारी, सूर्यकांत मापारी, विजयलक्ष्मी मापारी, हर्षद मापारी, शिवराम मापारी, मिहीर शिरसाट, मयूर शिरसाट, राज कारबोटकर, रवींद्र पोकळे, मयुरेश नार्वेकर, दत्ता नार्वेकर, संयोग साखळीकर व इतरांनी यावेळी भाजपमध्ये प्रवेश केला. साखळी शहरात भाजपची शक्ती वाढत असून साखळीत भाजपला लोकांची पसंती यापूर्वीही होती, ती आता वाढत आहे. नवनवीन लोक या पक्षात येत असल्याने त्याचा फायदा येणाऱ्या काळात पक्षाला आणि साखळीच्या विकास योजनेलाही होणार आहे. सर्वांनी या पक्षात कोणत्याही भेदभावाशिवाय संघटीतपणे राहून काम करावे व आपले लक्ष्य साध्य करावे, असे आवाहन यावेळी मुख्यमंत्री डॉ. सावंत यांनी केले. यावेळी नगरसेवक आनंद काणेकर यांनी गेल्या पाच वर्षांत केलेली कामे आणि लोकांकडून मिळणारा प्रतिसाद यामुळे नवीन लोक या पक्षाकडे आकर्षित होत असल्याचे सांगितले.