ऑनलाईन टीम : अहमदाबाद
“कॉंग्रेस आता संपली असून तिचे अस्तित्व गौण आहे …त्यामुळे कॉंग्रसच्या आरोपांना कोणतीच किंमत नाही” असा थेट आरोप आम आदमी पार्टीचे अध्यक्ष अरविंद केजरीवाल यांनी केला आहे. येणाऱ्या गुजरात विधानसभेच्या निवडणुकीच्या पार्श्वभुमिवर केजरीवाल यांनी गुजरातमध्ये विविध कार्यक्रम घेतले आहेत. एका कार्यक्रमात बोलताना त्यांनी ही प्रतिक्रिया दिली.
दरम्यान, एका पत्रकार परिषदेला संबोधित करताना त्यांनी गुजरात मध्ये विविध क्षेत्रात सुरू असलेल्या भ्रष्टाचारावर सडकून टिका केली. ते म्हणाले “गुजरातमध्ये भ्रष्टाचार शिगेला पोहोचला आहे. कोणी काही करत असेल किंवा काही बोलत असेल तर त्यावर धाडी टाकल्या जातात.” जर आप सत्तेत आल्यास गुजरात राज्य भ्रष्टचारमुक्त होईल असे केजरीवाल यांनी जाहिर केले.
