नितीन तायशेटे यांना मातृशोक

मालवण / प्रतिनिधी
मालवण बाजारपेठेतील रहिवासी आणि प्रसिद्ध विजया बेकरीचे मालक तथा जिल्हा व्यापारी महासंघाचे माजी अध्यक्ष नितीन तायशेटे यांच्या मातोश्री लिना मोहन तायशेटे (86) यांचे मंगळवारी सकाळी निधन झाले. त्यांच्यावर मंगळवारी सायंकाळी पाच वाजता बाजारपेठ स्मशानभूमीत अंत्यसंस्कार करण्यात येणार आहेत.त्यांच्या पश्चात दोन मुलगे, मुलगी, सूना, जावई, नातवंडे असा परिवार आहे. बाजारपेठेतील दुकाने बंद ठेवून श्रद्धांजली वाहण्यात आली. नितीन, विकास, डॉ. वैशाली शेखर पडते यांच्या आई होत.