शालेय मुलींच्या फुटबॉल स्पर्धांना प्रारंभ

बेळगाव : सार्वजनिक शिक्षण खात्याच्या व  टिळकवाडी माध्यमिक शारीरिक शिक्षक संघटना व संत मीरा इंग्रजी माध्यम स्कूल यांच्या संयुक्त विद्यमाने आयोजित बेळगाव शहर प्राथमिक व माध्यमिक मुला-मुलींच्या फुटबॉल स्पर्धेला प्रारंभ झाला. टिळकवाडी येथील सुभाष चंद्रबोस लेले मैदानावर स्पर्धेच्या उद्घाटनाला प्रमुख पाहुणे म्हणून कॅम्प पोलीस स्थानकाच्या महिला पोलीस निरीक्षक ए. रुक्मिणी, बेळगाव शहर गटशिक्षणाधिकारी लीलावती हिरेमठ, समाजसेविका माधुरी जाधव संत मीरा शाळेच्या उपमुख्याध्यापिका ऋतुजा जाधव, अशोक अन्नीगेरी, बेळगाव शहर शारीरिक शिक्षक संघटनेचे अध्यक्ष हणमंत मास्तीहोळी, टिळकवाडी माध्यमिक शारीरिक शिक्षक संघटनेचे अध्यक्ष विवेक पाटील, शहराच्या पीईओ जहिदा पटेल उपस्थित होत्या. प्रारंभी सी.आर. पाटील यांनी उपस्थित पाहुण्यांचा परिचय व स्वागत केले. यानंतर पोलीस निरीक्षक ए. रुक्मिणी यांनी खेळाडूंना मार्गदर्शनपर भाषण केले. यानंतर उपस्थित मान्यवरांच्या हस्ते खेळाडूंची ओळख व फुटबॉलला किक मारून  स्पर्धेचे उद्घाटन करण्यात आले. याप्रसंगी स्पर्धा आयोजन कमिटी सदस्य जयसिंग धनाजी, बापू देसाई, देवेंद्र कुडची, संतोष दळवी, क्रीडा शिक्षक मीनाक्षी जाधव, ज्युलेट फर्नांडिस, आनंद ए, एच. व्ही. रोगी, सुनीता जाधव उपस्थित आदी होत्या.