केएलईच्या कॅन्सर इस्पितळात वैद्यकीय सेवांना प्रारंभ

बेळगाव : केएलई संस्थेच्या डॉ. प्रभाकर कोरे इस्पितळाच्या पाठीमागे सुरू करण्यात आलेल्या कॅन्सर इस्पितळात बसव जयंतीचे औचित्य साधून अत्याधुनिक वैद्यकीय सेवांना कार्याध्यक्ष डॉ. प्रभाकर कोरे यांच्या हस्ते प्रारंभ करण्यात आला. रेडिएशन, अँकॉलॉजी या सेवा सुरू करण्यात आल्या आहेत. कॅन्सरसंबंधी सर्व उपचार एकाच छताखाली मिळावेत, यासाठी कॅन्सर इस्पितळ सुरू करण्यात आले असून रेडिएशन, अँकॉलॉजी विभागात जगातील अत्याधुनिक रेडिओथेरपी सुविधा उपलब्ध करून देण्यात आली आहे. जागतिक दर्जाचे सुधारित रेडिएशन उपचार उपलब्ध करून देण्यात आले आहेत, असे डॉ. प्रभाकर कोरे यांनी सांगितले. य् ाावेळी केएलई संस्थेचे संचालक डॉ. व्ही. एस. साधुन्नावर, महांतेश कवटगीमठ, आशाताई कोरे, काहेरचे उपकुलगुरू डॉ. नितीन गंगणे, डॉ. व्ही. ए. कोठीवाले, डॉ. व्ही. डी. पाटील, वैद्यकीय महाविद्यालयाच्या प्राचार्या डॉ. एन. एस. महांतशेट्टी, कॅन्सर इस्पितळाचे वैद्यकीय संचालक डॉ. एम. व्ही. जाली, डॉ. कर्नल एम. दयानंद आदींसह मान्यवर उपस्थित होते.