आयएमइआरच्या वार्षिक क्रीडा स्पर्धांना प्रारंभ

बेळगाव : केएलएस आयएमइआर महाविद्यालयाच्या वार्षिक क्रीडा स्पर्धा मोठ्या उत्साहात जीआयटी मैदानावर प्रारंभ करण्यात आला. कार्यक्रमाच्या अध्यक्षस्थानी आयएमइआरचे चेअरमन आर. एस. मुतालिक होते. जीआयटी मैदानावर आयोजित स्पर्धेचे उद्घाटन प्रसंगी प्रमुख पाहुणे म्हणून बेळगावचे ज्येष्ठ अॅथलेटिक्सपटू व सहाय्यक रेंजर वनाधिकारी सत्यनारायण वेर्णेकर, आयएमइआरचे डायरेक्टर डॉ. आरिफ शेख, जॉर्ज रॉड्रिग्ज, डॉ. श्रीकांत नाईक आदी उपस्थित होते. क्रीडा ध्वजारोहण मान्यवरांच्या हस्ते करण्यात आले. त्यानंतर विद्यार्थ्यांनी पथसंचलन करुन पाहुण्यांना मानवंदना दिली. क्रिकेटमधील युनिर्व्हसिटी ब्ल्यू खेळाडू रघुत्तम नाईक यांनी क्रीडाज्योत मैदानाभोवती फिरवून पाहुण्यांकडे सुपुर्द केली. रक्षा पांडेने  खेळाडूंना शपथ दिली. या स्पर्धेत क्रिकेट, फुटबॉल, बास्केटबॉल, थ्रोबॉल, व्हॉलीबॉल, शटल बॅडमिंटन, टेबल टेनिस आदी खेळांचा समावेश आहे.