पणजी : गुन्हा अन्वेषण विभागाच्या पोलिसांनी पर्वरी येथे केलेल्या कारवाईत 2 लाख 50 हजार ऊपये किमतीचा ड्रग्ज जप्त केला आहे. या प्रकरणात एका नायजेरियन संशयिताला अटक केली असून त्याच्या विरोधात एनडीपीएस कायद्याखाली गुन्हा नोंद केला आहे. संशयित सध्या पोलीस कोठडीत आहे. पोलिसांनी दिलेल्या माहितीनुसार, अटक केलेल्या संशयिताचे नाव फर्डिनांड उदोजी ओकोनक्वो (वय 49) असे आहे. ही कारवाई रविवारी पहाटे करण्यात आली आहे. संशयित ड्रग्जची विक्री करण्यासाठी पर्वरीत ठरलेल्या ठिकाणी येणार असल्याची माहिती पोलिसांना मिळली होती. त्यानुसार कारवाई करून संशयिताला रंगेहात अटक करण्यात आली. त्याच्या कडून 18.849 ग्रॅम व 47.98 ग्रॅम कोकीन असलेली दोन पाकीटे जप्त करण्यात आली आहे. तसचे 4 हजार ऊपये रोख रक्कम व एक मोबाईल जप्त करण्यात आला आहे. निरीक्षक दत्ताराम व्ही. राऊत यांच्या नेतृत्वाखाली उपनिरीक्षक जयराम कुंकळीकर हवालदार, दिनेश पिकुलकर, अशोक गावडे, कॉन्स्टेबल विनायक सावंत, विशाल नाईक आणि इब्राहिम आगा यांनी ही कारवाई केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
