ऑनलाईन टीम / तरुण भारत :
महाराष्ट्राचे मुख्यमंत्री एकनाथ शिंदे यांचा फोटो न्यूयार्कच्या टाइम्स स्क्वेअरवर झळकला आहे. टाइम्स स्क्वेअरवर फोटो झळकणारे शिंदे हे महाराष्ट्रातील पहिले नेते आहेत.
आदित्य ठाकरे यांचे निकटवर्तीय आणि शिर्डी देवस्थानचे विश्वस्त राहुल कनाल यांनी एक जुलैला मुख्यमंत्री एकनाथ शिंदे यांच्या उपस्थितीत शिंदे गटात प्रवेश केला. या पक्षप्रवेशाचे फोटो टाइम्स स्क्वेअरवर झळकले आहेत. एकनाथ शिंदे, श्रीकांत शिंदे आणि राहुल कनाल हे या फोटोत आहेत. मुख्यमंत्री शिंदेंची लोकप्रियता दिवसेंदिवस वाढत असल्याने शिंदे समर्थकांकडून आनंद व्यक्त करण्यात येत आहे.
युवासेनेचे कार्यकारिणी सदस्य तसेच शिर्डी देवस्थानचे विश्वस्त @Iamrahulkanal यांनी आज शिवसेनेत जाहीर प्रवेश केला. यावेळी त्यांचे पक्षात स्वागत करून त्यांना भावी सामजिक आणि राजकीय वाटचालीसाठी शुभेच्छा दिल्या. #Mumbai #Shivsena pic.twitter.com/tJEZx2Tkf8
— Eknath Shinde – एकनाथ शिंदे (@mieknathshinde) July 1, 2023
