प्रतिनिधी/कोल्हापूर
राज्य नियोजन मंडळाचे कार्यकारी अध्यक्ष राजेश क्षीरसागर यांच्या नेतृत्वाखाली शिवसेना शिंदे गटाच्या कोल्हापूर जिल्हा व शहर युवासेनेच्या प्रमुख पदाधिकाऱयांच्या नियुक्त्या शनिवारी जाहीर करण्यात आल्या.
युवा संपर्क अधिकारी पदावर प्रसाद सुजित चव्हाण, जिल्हा युवा अधिकारी पदावर ऍड.चेतन सुदर्शन शिंदे, महानगर युवा अधिकारी पदावर अक्षय आनंदराव कुंभार, जिल्हा युवा समन्वयक पदावर अविनाश प्रकाश कामते, जिल्हा युवा सरचिटणीस पदावर कुणाल संभाजी शिंदे, शहर युवा अधिकारी पदावर पियुष मोहन चव्हाण आणि विश्वदीप संजय साळोखे यांची निवड करण्यात आली आहे. त्याचबरोबर शहर युवा सरचिटणीस पदावर अजिंक्य भास्कर पाटील, सुनील उर्फ दादू प्रभाकर शिंदे, अभिजित कदम, शहर युवा समन्वयक पदावर शैलेश शरदराव साळोखे आणि आय.टी.सेलच्या शहर अधिकारी पदावर सौरभ शिवदत्त कुलकर्णी यांची नियुक्ती करण्यात आली आहे. नवनियुक्त युवा सेना पदाधिकाऱयांचा राज्य नियोजन मंडळाचे कार्यकारी अध्यक्ष राजेश क्षीरसागर यांच्या हस्ते पुष्पगुच्छ व भगवी शाल देवून सत्कार करण्यात आला.
यावेळी युवा नेते ऋतुराज क्षीरसागर, शिवसेना महानगर समन्वयक जयवंत हारुगले, शहरप्रमुख रणजीत जाधव, उपजिल्हाप्रमुख उदय भोसले आदी शिवसेना उपशहरप्रमुख, विभागप्रमुख व संघटनांचे पदाधिकारी उपस्थित होते.
