खानापूर प्रतिनिधी : गर्लगुंजीत ढगफुटी सदृश्य पाऊस सोमवारी सकाळी ११ वाजता गर्लगुंजी परिसरात गडगटासह दोन तास जोरदर ढगफुटी सदृश्य पाऊस झाला, यामुळे गर्लगुंजी येथील अनेक घरात पाणी शिरले असून, गटारीही तुडुंब भरल्याने रस्त्यावरून मोठ्या प्रमाणात पाणी वाहत होते. त्यामुळे या परिसरातील अनेक घरात पाणी गेल्याने लोकांची मोठी तारांबळ उडाली आहे. तसेच शेतांचेही नुकसान झाल्याचे सांगण्यात आले. यावेळी बोलताना सदानंद पाटील म्हणाले ग्रामपंचायतीच्या नियोजना अभावी गर्लगुंजीतील घरामध्ये पाणी भरले आहे. गेल्या दहा वर्षापासून गटारीं साफ केल्या नसल्यामुळे गटारी तुडुंब भरून पाणी रस्त्यावर आलेले आहे काढलेलीच नाही यामुळे आज झालेल्या ढगफुटी सदृस्य पावसामुळे सकल भागातील घरात पाणी गेल्याने अनेकांचे मोठे नुकसान झाले आहे .यासाठी पंचायतीच्या पीडिओ ना धारेवर धरण्यात आले .
