बेळगाव : सार्वजनिक शिक्षण खाते व जिल्हा पंचायत यांच्या संयुक्त विद्यमाने बेळगाव शहर तालुकास्तरीय क्रीडा स्पर्धांना मोठ्या उत्साहात जिल्हा क्रीडांगणावर प्रारंभ झाला. स्पर्धेच्या उद्घाटन प्रसंगी प्रमुख पाहुणे म्हणून उत्तरचे आमदार राजू शेठ, जिल्हा शिक्षण अधिकारी बसवराज नलतवाड, शहर पीईओ जे. बी. पटेल, जयकुमार हेब्बळ्ळी, आर. पी. वंटगुडे, एल. बी. नाईक आदी मान्यवर उपस्थित होते. पाहुण्यांच्या हस्ते ध्वजारोहण करण्यात आले. शहरातील शहापूर, कॅम्प, टिळकवाडी, महांतेशनगर व नेहरुनगरच्या विभागातील खेळाडूंनी बँडच्या तालावर पथसंचलन करुन पाहुण्यांना मानवंदना दिली. राष्ट्रीय स्पर्धेत चमक दाखविलेल्या गायत्री कदम, अक्षरा मजुकर, सेजल मायारवाडी, सृष्टी सुतार, मृदुला पवार या खेळाडूंनी क्रीडाज्योत मैदानाभोवती फिरवून पाहुण्यांकडे सुपूर्द केली. सृष्टी सुतार हिने सर्व खेळाडूंना शपथ दिली. यावेळी शहरातील विविध शाळेतील क्रीडाशिक्षक उपस्थित होते. दोन दिवस चालणाऱ्या या स्पर्धेत शनिवारी सांगता होणार असून सायंकाळी बक्षीस वितरण होणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
