बेळगाव : न्यू गुड्सशेड रोड येथे दुरुस्तीसाठी हेस्कॉमकडून खोदाई करण्यात आलेला खड्डा आठ दिवसांनंतरही तसाच आहे. यामुळे धोका निर्माण झाला असून, परिसरातून ये-जा करणे अवघड झाले आहे. हेस्कॉम कर्मचाऱ्यांशी संपर्क केला तरी त्यांच्याकडून योग्य प्रतिसाद मिळत नसल्याचे नागरिकांचे म्हणणे आहे. राजमाता सोसायटीसमोर हेस्कॉमकडून दुरुस्ती करण्यासाठी खोदाई करण्यात आली. सायंकाळपर्यंत दुरुस्ती पूर्ण करून खड्डा बुजविला जाईल, असे सांगण्यात आले. परंतु, आठ दिवस उलटले तर कर्मचारी फिरकलेच नाहीत. त्यामुळे ये-जा करणाऱ्या नागरिकांना खड्ड्याच्या शेजारून ये-जा करावी लागत आहे. रात्रीच्या वेळी खोदाईचा अंदाज न आल्याने अपघात होत आहेत. त्यामुळे हेस्कॉम अधिकाऱ्यांनी या समस्येकडे लक्ष पुरवून खड्डा बुजवावा, अशी मागणी परिसरातील रहिवाशांनी केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
