विंबल्डन स्पर्धेतून सिलिकची माघार

लंडन : येथे 3 जुलैपासून सुरु होणाऱ्या 2023 च्या टेनिस हंगामातील तिसऱ्या विंबल्डन ग्रँडस्लॅम टेनिस स्पर्धेतून क्रोएशियाच्या मॅरिन सिलिकने दुखापतीमुळे माघार घेतल्याची माहिती स्पर्धा आयोजकांनी दिली आहे. 2017 च्या विंबल्डन ग्रँडस्लॅम स्पर्धेत सिलिकने एकेरीतील अंतिम फेरी गाठली होती. ग्रासकोर्टवरील स्पर्धेत सिलिकची कामगिरी आतापर्यंत दमदार झाली असून त्याने 31 सामने जिंकले असून 13 सामने गमाविले आहेत. सिलिकच्या उजव्या पायाच्या गुडघ्याला दुखापत झाली असून ती बरी होण्यास काही वेळ लागणार आहे. सराव करीत असताना सिलिकला या दुखापतीच्या वेदना जाणवू लागल्याने त्याने विंबल्डन स्पर्धेत न खेळण्याचा निर्णय स्पर्धा आयोजकांना कळविला आहे.