चिंचवड आणि कसबा पेठ येथिल पोटनिवडणुका ह्या विनविरोध व्हाव्यात यासाठी भाजप आणि शिंदे गटाने प्रयत्न सुरु केले आहे. यासाठी भापच्या वरिष्ठ नेत्यांपासून मुख्यमंत्र्यापर्यंत सगळ्यांनी विरोधी पक्षांना आवाहन करण्यास सुरवात केली आहे. मनसे अध्यक्ष राज ठाकरे यांनीही निवडणुका विनविरोध व्हाव्या यासाठी पत्र काढले आहे.
महाविकास आघाडीचे जेष्ठ नेते अजित पवार यांनी या निवडणुकीबाबत मत व्यक्त करून यामध्ये स्पष्टता आणली आहे. ते म्हणाले, “चिंचवड आणि कसबा निवडणूक बिनविरोध होण्याचे काही कारण नाही.भाजपने पंढरपूर, कोल्हापूर आणि देगलूरची निवडणूक बिनविरोध होऊ दिली नाही. फक्त एका मुंबईतील जागा बिनविरोध केली म्हणजे बाकीच्या निवडणुका बिनविरोध होतील हे त्यांनी डोक्यातून काढून टाकले पाहीजे. ही लोकशाही असल्याने जनतेला ज्यांना मतदान द्यायचे त्यांना देतील” अशी स्पष्ट भूमिका विरोधी पक्षनेते अजित पवार यांनी मांडून या निवडणुका होणारच असे जाहीर केले.
