वास्को : घरात बॉल घेऊन खेळणाऱ्या एका बारा वर्षीय मुलाला विजेचा धक्का लागून जागीच मृत्यू येण्याची दुर्दैवी घटना झुआरीनगरात घडली. मयत मुलाचे नाव मुस्ताक अहम्मद सुरंगी असे आहे. वेर्णा पोलिसांकडून मिळालेल्या माहितीनुसार मूळ हावेरी कर्नाटकमधील मयत मुलाचे कुटुंब झुआरीनगर बिर्ला भागातील राहणारे आहे. हा मुलगा आपल्या घरातच बॉल घेऊन खेळत होता. खेळता खेळता त्याचा बॉल रेफ्रिजरेटरच्या खाली गेला. त्यामुळे बॉल काढण्यासाठी त्याने त्या फ्रिजखाली हात घातला असता, त्याला विजेचा धक्का बसला. विजेचा धक्का बसल्यानंतर तो ओरडून तसाच पडून राहिल्याने घरातील इतरजण धावून आले. घटनेची कल्पना येताच त्याला त्वरित कासावलीतील प्राथमिक आरोग्य केंद्रात हलवण्यात आले. तेथील डॉक्टरांनी त्या मुलाला मृत घोषीत केले. मयत मुलगा इयत्ता सातवीच्या वर्गात शिकत होता. वेर्णा पोलिसस्थानकात या घटनेची नोंद झालेली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
