पणजी : गोव्यातील डबल इंजिन सरकारमुळे गोव्यात राबविण्यात आलेले लोकाभिमुख प्रकल्प त्याचबरोबर गोव्यातील राजकारणावर पंतप्रधान नरेंद्र मोदी यांच्याशी दीर्घ चर्चा झाल्याची माहिती मुख्यमंत्री डॉ. प्रमोद सावंत यांनी दिली. त्यांनी पंतप्रधानांची दिल्लीत भेट घेऊन गोव्यातील मंदिर संस्कृती, जनतेचा विकास आणि राजकारण या तिन्ही विषयावर चर्चा केली. पंतप्रधान मोदी यांनी काही महत्त्वपूर्ण सूचनाही केल्या असल्याचे मुख्यमंत्री म्हणाले. वर्ल्ड कोंकणी सेंटर, मंगळुरूद्वारे प्रकाशित तसेच गोवा सरकारने पुन्हा मुद्रित केलेले ‘टेम्पल्स ऑफ गोवा – अ स्पिरिच्युअल ओडिसी’ हे पुस्तक मुख्यमंत्र्यांनी पंतप्रधानांना दिले. गोव्यातील मंदिरे, ज्यांची अनेक वसाहतवादी काळात पुनर्बांधणी किंवा स्थलांतरित झाली आहेत, ती आपल्या लोकांच्या अढळ श्रद्धेची आणि लवचिकतेची साक्ष देतात, असे पंतप्रधान मोदी यांनी मुख्यमंत्र्यांना सांगत मुख्यमंत्री सावंत यांच्या कार्याचेही कौतुक केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
