छ.शिवाजी क्लस्टर प्राथमिक बुद्धिबळ स्पर्धेला प्रारंभ

बेळगाव : सार्वजनिक शिक्षण खाते व स्वाध्याय विद्यामंदिर स्कूल आयोजित छत्रपती शिवाजी क्लस्टर शहापूर, अनगोळ, टिळकवाडी विभागीय बुद्धिबळ व योगा स्पर्धाना मोठ्या उत्साहात प्रारंभ झाल्या. स्वाध्याय विद्यामंदिरच्या सभागृहात आयोजित या स्पर्धेचे उद्घाटन प्रसंगी प्रमुख पाहुणे म्हणून बेळगाव शहर शिक्षणाधिकारी जे बी पटेल, मुख्याध्यापिका एच आर कुलकर्णी, सीआरपी खेमजी, अनिल कांबळे, संघटनेचे सचिव प्रवीण पाटील, बापू देसाई, उमेश बेळगुदकर आदी मान्यवर व्यासपीठावर उपस्थित होते. प्रारंभी पाहुण्यांचे स्वागत मुख्याध्यापिका एच आर कुलकर्णी यांनी केले.  मान्यवरांच्या हस्ते बुद्धिबळाच्या सोंगट्याची चाल करून स्पर्धेला प्रारंभ करण्यात आले. या स्पर्धेत शहापूर, टिळकवाडी, अनगोळ येथील जवळपास 70 हून अधिक स्पर्धकांनी भाग घेतला होता. त्याचप्रमाणे योगा स्पर्धेत योगा स्पर्धेत ही उस्फुर्त असा प्रतिसाद मिळाला. बुद्धिबळ स्पर्धेत स्वीस पद्धतीने स्पर्धेला प्रारंभ करण्यात आला. त्या स्पर्धेत मुला मुलींनी उस्फुर्त असा प्रतिसाद  दिला. यावेळी स्पर्धा सचिव शिव सुलकंद, रामलिंग परीट, संतोष दळवी, उमेश मजुकर, जयसिंग धनाजी, पार्वती एस, अनुराधा पुरी, मयुरी पिंगट सह आदी क्रीडा शिक्षक उपस्थित होते.