ऑनलाईन टीम / तरुण भारत :
कसबा आणि चिंचवड विधानसभा पोटनिवडणुकीसाठी आज मतदान होत आहे. या मतदानादरम्यानच चिंचवडमधील पिंपळे गुरव मतदान केंद्रावर माजी नगरसेवक सागर अंघोळकर आणि राहुल कलाटे यांच्या समर्थकांमध्ये राडा झाला.
आज सकाळी पिंपळे गुरव माध्यमिक विद्यालय मतदान केंद्राबाहेर भाजपचे माजी नगरसेवक सागर अंघोळकर आणि राहुल कलाटे यांच्या समर्थकांमध्ये काही कारणास्तव बाचाबाची झाली. त्यानंतर दोन्ही गटाचे समर्थक एकमेकांच्या अंगावर धावून गेले, यावेळी त्यांच्यात धक्काबुक्की झाली. त्यामुळे मतदान केंद्रावर काही काळ तणावाचे वातावरण निर्माण झाले होते. अखेर पोलिसांच्या मध्यस्थीनंतर हा वाद मिटला.
अधिक वाचा : कसब्यात दिग्गजांची प्रतिष्ठा पणाला; कौल कुणाला?
चिंचवडमध्ये भाजपकडून अश्विनी जगताप, राष्ट्रवादीकडून नाना काटे आणि अपक्ष उमेदवार म्हणून राहुल कलाटे अशी तिरंगी लढत पहायला मिळत आहे. उद्धव ठाकरे यांच्या मनधरणीनंतर सुद्धा कलाटे यांनी या निवडणुकीत शड्डू ठोकल्याने महाविकास आघाडी आणि विशेषतः राष्ट्रवादी काँग्रेसला फटका बसण्याची शक्यता वर्तवली जात आहे. 2 मार्चला या निवडणुकीचा निकाल असणार आहे.
