बेळगाव : गणेशोत्सवाच्या काळातील अडचणीसंदर्भात चर्चा करण्यासाठी चव्हाट गल्ली येथील गणेशोत्सव मंडळाच्या पदाधिकारी व कार्यकर्त्यांनी नुकतेच पोलीस आयुक्त भूषण गुलाबराव बोरसे यांची भेट घेऊन चर्चा केली. यावेळी पोलीस आयुक्तांना निवेदनही देण्यात आले. पोलीस दलाकडून वेळोवेळी देण्यात येणाऱ्या सूचनांचे पालन करीत मंडळाने आनंदाने व उत्साहाने गणेशोत्सव साजरा करावा. कोणताही अनुचित प्रकार घडू नये यासाठी मंडप व परिसरात सीसी कॅमेरे बसवावेत. विसर्जन मिरवणुकीत सहभागी होण्याच्या वेळेवरून निर्माण झालेला वाद सामोपचाराने सोडवावा आदी सूचना पोलीस आयुक्तांनी केल्या. यावेळी चव्हाट गल्ली गणेशोत्सव मंडळाचे कार्याध्यक्ष सुनील जाधव, अध्यक्ष श्रीनाथ पवार, सत्यम नाईक, ऋषभ मोहिते, रोहन जाधव, निशा कुडे, सौरभ पवार, हर्षल नाईक, गौतम पाटील, उमेश मेणसे, अनंत हंगिरगेकर, हरिश ताशिलदार आदी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
