पोलीस अधीक्षकांनी काढले निर्देश; गांधीनगर सपोनि अर्जुन घोडे पाटील यांनी दिली माहिती
उचगाव/ प्रतिनिधी
दिपावली सणाच्या पार्श्वभूमीवर दि. ०३/११/२०२३ ते दि.१५/११/२०२३ या कालावधीतील गांधीनगर ता.करवीर येथील बाजारपेठेतील वाहतूक व्यवस्थेत बदल करण्यात आला आहे.याबाबत पोलीस अधीक्षक महेंद्र पंडित यांनी निर्देश काढले असून या कालावधीत वाहतूक व्यवस्थेत बदल करण्यात येत असल्याची माहिती गांधीनगरचे सपोनि अर्जुन घोडे पाटील यांनी दिली.
गांधीनगर बाजारपेठेत दिनांक १०/११/२०२३ ते दि. १५/११/२०२३ रोजी दिपावली हा सण मोठ्या प्रमाणात साजरा होत आहे. गांधीनगर ही पश्चिम महाराष्ट्रातील सर्वात मोठी कापड, इलेक्ट्रीक व इलेक्ट्रॉनिक वस्तू, सौदर्य प्रसाधने, इतर सजावटीकरण वस्तू आदी व्यापाराची होलसेल व रिटेल बाजारपेठ आहे. मालाचे खरेदीकरीता महाराष्ट्र, गुजरात, कर्नाटक राज्यातून येणारे व्यापारी व ग्राहक असे दररोज किमान २० ते २५ हजार लोक त्यांचे वाहनांसह गांधीनगर येथे येतात. गांधीनगर व्यापारपेठेत ये – जा करणेसाठी एकच मुख्य रस्ता असून बाकी रस्ते अरुंद व बोळ असलेमुळे मुख्य रस्त्यावर वाहतुकीची कोंडी होवून मोठी समस्या निर्माण होवू नयेत व दिपावली सणाचे कालावधीत गांधीनगर येथील रहदारी सुरक्षित व सुरळीत राहावी याकरीता अवजड जड व मध्यम माल वाहतूक करणा-या मोटर वाहनांनांचे रहदारी नियमन करणेबाबतचे खालील प्रमाणे निर्देश पोलीस अधीक्षक यांनी दिलेले आहेत.
अ) अवजड, जड व मध्यम माल वाहतूक करणा-या वाहनांना प्रवेश बंद
(अत्यावश्यक सेवेतील तसेच ग्रामपंचायत सेवेतील वाहने वगळून )
०१) दि.०३/११/२०२३ ते दि. १५/११/२०२३ अखेर सकाळी १०.०० वा. ते रात्रौ २२.०० वा. पर्यंत तनवाणी कॉर्नर पासून गांधीनगरकडे (केएमटी व शासकीय वाहन तसेच अँब्युलन्स खेरीज ) दुचाकी, तीन चाकी व चार चाकी हलकी वाहने वगळून इतर सर्व वाहने व अवजड वाहने यांना प्रवेश बंदी करण्यात येत आहे.
०२) ट्रान्स्पोर्ट लाईनमधून गांधीनगर बाजारपेठेत व्यापा-यांना माल देणे-घेणे करीता सर्व चार चाकी मिनी टेंपो, रिक्षा यांना दुपारी १६.०० वा. ते रात्रौ २२.०० वा. पर्यंत या वेळेत व्यापार पेठेत जाणेस मनाई करण्यात येत आहे.
ब) जड व मध्यम माल वाहतूक करणा-या वाहनांना पर्यायी मार्ग
०१) गांधीनगर ट्रान्स्पोर्ट लाईनमधील वाहनांना ये-जा करणेसाठी पर्यायी मार्ग तावडे हॉटेल, उचगांव फाटा, गडमुडशिंगी, चिंचवाड मार्गे गांधीनगर कडे मार्गस्थ होतील
०२) गणेश टॉकीज ते वळीवडे ( ट्रान्स्पोर्ट लाईन) रोड दरम्यान दुचाकी व चार चाकी वाहनांना बंदी करण्यात येत आहे.
तसेच रिक्षा, मिनी टेंपो यांना वळीवडे, चिंचवाड गावात जाणारे येणारे नागरिकांकरीता गणेश टॉकीजपासून उत्तरेस कोयना कॉलनी मार्गे, सरकारी दवाखाना, वळीवडे,चिंचवाड कडे मार्गस्थ होतील.
क) पे अँड पार्क पार्किंग सुविधा दुचाकी व चार चाकी वाहना करीता
०१) आशिर्वाद दुकाना समोर केसरकर पार्कीग
०२) पोवार मळा, सावलानी दुकानाचे मागे
०३) लोहीया मार्केट मागे (पेट्रोल पंपा समोर )
०४) राधाकृष्ण लॉन पार्कींग
गांधीनगर शहरातील मेनरोड व आतील गल्ल्यातील मार्गावर रस्त्याच्या कडेला वाहतुकीस अडथळा होईल अशा प्रकारे कोणीही दुचाकी व चारचाकी वाहने पार्कींग करणार नाहीत.
वरील निर्देश दि. ०३/११/२०२३ ते दिनांक १५/११/२०२३ रोजी सकाळी १०.०० वा. ते २२.०० पर्यंत जड- अवजड, मध्यम वाहनांना (अत्यावश्यक सेवेतील व ग्रामपंचायतीची शासकीय वाहने वगळून) वळविण्यात व नियमन करण्यात येत असल्याची माहिती गांधीनगरचे सपोनि अर्जुन घोडे पाटील यांनी दिली.
