खानापूर येथील मॅरेथॉनमध्ये चंद्रकांत कडोलकर पाचव्या स्थानी

खानापूर : येथे इलाईट रनिंग अॅकॅडमी यांच्यावतीने आयोजित केलेल्या 25 किलोमीटर धावण्याच्या मॅरेथॉनमध्ये येथील धावपटू निवृत्त सुभेदार मेजर ऑनररी कॅप्टन चंद्रकांत कडोलकर यांनी यश मिळवून पाचवा नंबर पटकाविला. बेळगाव विभागातून भाग घेतलेल्या स्पर्धकातून त्यांनी यश मिळविले आहे. पहिले चार नंबर इतर राज्यातील स्पर्धकांनी पटकाविले आहेत. आतापर्यंत त्यांनी अनेक स्पर्धातून भाग घेऊन यश मिळविले आहे. ते बेळगाव येथील विजेता स्पोर्ट्सचे मालक असून या यशाबद्दल त्यांचे सर्वत्र अभिनंदन होत आहे.