कुडचडेत पर्यटन दिन साजरा

मडगाव : गोमंतभूमित दक्षिणेकडील सांगे- केपे धारबांदोडा हे तालुके पर्यटन, संस्कृती, वारसा, निसर्ग, ईतिहासिक स्थळाचे खजिने आहेत आणि आजचा पर्यटन दिवस साजरा करण्याचा संस्थेचा प्रयत्न म्हणजे ह्या खजिन्याकडे देशभरातील पर्यटक,संशोधक, इतिहासकार इत्यादीचे लक्ष वेधून घेण्याचा एक मार्ग होत आहे असे प्रतिपादन गोवा पर्यटन महामंडळाचे ऊप-व्यवस्थापक तथा जनसंपर्क अधिकारी प्रमुख पाहुणे दिपक  नावेंकर यानी केले. दयानंद कला केंद्रातफै आयोजित जागतिक पर्यटन महोतसव सोहळ्याचा उदघाटन प्रसंगी तं बोलत होते.  ते पुढे असेही म्हणाले की पर्यटन क्षेत्रात असा उपक्रम कुठल्याही स्वायत्त संस्थेकडून गोव्यात झालेला नसावा त्यासाठी ह्या केंद्राच्या कार्यकारी मंडळाचे आपण मन:पुर्वक अभिनंदन करतो. यावेळी त्यांच्या हस्ते भारत पर्यटन विभागातर्फे आयोजित ’अतुल्य   भारत’ देशातील प्रसिद्ध स्थळे, होणारे प्रसिद्ध पर्यटन महोत्सवाच्या छायाचित्रे, पोस्टर्स, प्रदर्शनाचे उदघटन झाले व उपस्थिताना पर्यटनाच्या माहिती पुस्तिका साहित्य वाटण्यात आले. सुरवातिला केंद्राचे अध्यक्ष मोर्तू नाईक सर्वांचे स्वागत करून प्रास्ताविक केले. सचिव बंटी उडेलकर यानी कार्यक्रमाचे सुत्रसंचलन केले तर उपाध्यक्ष सुभाष नाईक यानी आभार प्रदर्शन केले. यावेळी आंनदी -आंनद संस्था शेल्डेचे अध्यक्ष मोहनदास आ.गावस देसाई, अशोक नाईक, जयकुमार नाईक, दत्ता सावंत, अनिता नाईक, केशव नाईक, भिकू नाईक, नवीन खांडेकर इ. सभागृहात उपस्थित होते.