युवा समितीची शिक्षणाधिकाऱ्यांकडे मागणी
बेळगाव : कर्नाटक सरकारने अखंड हिंदुस्थानचे आराध्य दैवत छत्रपती शिवाजी महाराज यांची जयंती शासकीय पातळीवर साजरी करण्याचे आदेश दिले आहेत. परंतु बऱ्याच शाळा व महाविद्यालयांमध्ये शिवजयंती साजरी केली जात नाही. काही ठिकाणी मराठी विद्यार्थी शिवजयंती साजरी करण्यास पुढे आले तर त्यांना ती साजरी करण्यास परवानगी दिली जात नाही. त्यामुळे बेळगाव जिल्ह्यात सर्व शाळा व महाविद्यालयांमध्ये 19 फेब्रुवारी रोजी शिवजयंती साजरी करावी, अशा सूचना सर्व मुख्याध्यापक व प्राचार्यांना द्याव्यात, अशी मागणी महाराष्ट्र एकीकरण युवा समितीच्यावतीने जिल्हा शिक्षणाधिकाऱ्यांकडे करण्यात आली.
रविवार दि. 19 रोजी संपूर्ण देशभर शिवजयंती साजरी होते. कर्नाटक सरकारने शिवजयंती शासकीय पातळीवर साजरी करण्याचे आदेश दिले आहेत. परंतु प्रत्येक शाळा व महाविद्यालयात शिवजयंती साजरी व्हावी, यासाठी युवा समितीने शुक्रवारी जिल्हा शिक्षणाधिकाऱ्यांना निवेदन दिले. परंतु शिक्षणाधिकारी नसल्याने त्यांच्या अनुपस्थितीत शिक्षणाधिकारी सुजाता बाळेकुंद्री यांनी निवेदन स्वीकारले. य् ाावेळी महाराष्ट्र एकीकरण युवा समितीचे अध्यक्ष अंकुश केसरकर, सरचिटणीस श्र्र्रीकांत कदम, नगरसेवक शिवाजी मंडोळकर, युवा समितीचे नेते शुभम शेळके, सूरज कुडूचकर, सचिन केळवेकर, किरण मोदगेकर, वासू सामजी, आनंद पाटील, विनायक कावळे, प्रवीण रेडेकर, मनोहर संताजी यांसह इतर कार्यकर्ते उपस्थित होते.
