केएससीए 16 वर्षाखालील क्रिकेट स्पर्धा
बेळगाव : कर्नाटक राज्य क्रिकेट संघटना मान्यताप्राप्त धारवाड विभागीय क्रिकेट संघटना आयोजित 16 वर्षाखालील केएससीए चषक क्रिकेट स्पर्धेत बुधवारी खेळविण्यात आलेल्या सामन्यात क्रिकेट क्लब ऑफ कर्नाटक संघाने लक्ष क्रिकेट अकादमी ब संघाचा 29 धावांनी तर विलास बेंद्रे क्रिकेट अकादमी धारवाड अ संघाने रॉजर्स क्रिकेट अकादमी बेळगाव संघाचा 262 धावांनी पराभव करून प्रत्येकी 4 गुण मिळविले. शतकवीर श्रेयांशू एन., प्रविण एम. यांना सामनावीर पुरस्कार देण्यात आला.
पहिल्या सामन्यात विलास बेंद्रे क्रिकेट अकादमी धारवाड अ संघाने प्रथम फलंदाजी करताना 50 षटकात 5 गडी बाद 303 धावा जमविल्या. त्यात श्रेयांशूने 1 षटकार, 12 चौकारासह 111 धावा करून शतक झळकविले. त्याला सुजय कारवारने 1 षटकार, 8 चौकारासह 62, महादेव गौडाने 2 चौकारासह 39, रेहान तांबटगारने 3 चौकारासह नाबाद 24, चंद्रकांत केने 22 तर प्रसन्न जी. ने 16 धावा केल्या. रॉजर्सतर्फे सुरज पाटीलने 57 धावात 2 तर परिक्षीत, माज, लोहित राजगोळी यांनी प्रत्येकी 1 गडी बाद केला. प्रत्युत्तरादाखल खेळताना रॉजर्स संघाचा डाव 20.2 षटकात सर्व गडी बाद 41 धावात आटोपला. यांच्यात अवनीशने 12 धावा केल्या. विलास बेंद्रेतर्फे श्रेयांशने 6 धावात 5, सुजय कारवारने 22 धावात 3, सागर कम्मारने 1 गडी बाद केला.
दुसरा सामना क्रिकेट क्लब ऑफ कर्नाटक प्रथम फलंदाजी करताना 39.2 षटकात सर्व गडी बाद 124 धावा केल्या. त्यात समर्थ जाधव व सन्मुख एसने प्रत्येकी 4 चौकारासह 22, अभिषेक कांगोने 2 चौकारासह नाबाद 17 तर रेहान तडकोडने 11 धावा केल्या. लक्ष अकादमीतर्फे प्रतिक बालनाईकने 28 धावात 4, अवनीश एन. ने 14 धावात 3 तर राजवीर जाकवान पटेल यांनी प्रत्येकी 1 गडी बाद केला. प्रत्युत्तरादाखल खेळताना लक्ष क्रिकेट अकादमीचा डाव 34.4 षटकात सर्व गडी बाद 95 धावात आटोपला. त्यात सुप्रित नेजीने 6 चौकारासह 36, साईश पवारने 2 चौकारसह 13 तर झहिन पटेलने 10 धावा केल्या. सीसीकेतर्फे अभिषेक कोंगोने 17 धावात 3, प्रवीण एमने 4 धावात 2, सुजान हुदलीने 9 धावात 2 तर संपत व शन्मुख यांनी प्रत्येकी 1 गडी बाद केला.
