लोककल्प-नेत्रदर्शनतर्फे रुग्णावर मोतीबिंदू शस्त्रक्रिया

बेळगाव : लोककल्प फौंडेशन आणि नेत्रदर्शन सुपरस्पेशालिटी आय हॉस्पिटल यांच्यावतीने खानापूर तालुक्यातील कणकुंबी गावातील रुग्णावर मोतीबिंदू शस्त्रक्रिया यशस्वीरीत्या करण्यात आली. लोककल्प फोंडेशन आणि डॉ. अगरवाल आय हॉस्पिटल यांच्याशी सलग्न असलेल्या नेत्रदर्शन सुपर स्पेशालिटी हॉस्पिटल यांच्या सहकार्याने, खानापूर तालुक्यातील दत्तक घेतलेल्या गावांमध्ये सुरू असलेल्या आरोग्यसेवा साहाय्य उपक्रमांतर्गत, कणकुंबी गावातील एका रुग्णावर मोफत मोतीबिंदू शस्त्रक्रिया यशस्वीरीत्या करण्यात आली. डॉ. जगदीश पाटील यांनी मातीबिंदू शस्त्रक्रिया कुशलतेने केली, ज्यामुळे रुग्णाची दृष्टी स्पष्ट झाली व जीवनमान सुधारले. ग्रामीण समुदायांना दर्जेदार आरोग्यसेवा उपलब्ध करून देण्याच्या फौंडेशनच्या ध्येयातील हे आणखी एक महत्त्वाचे पाऊल आहे. लोककल्पचे अनिकेत पाटील आणि किशोर नाईक व नेत्रदर्शन आय हॉस्पिटलचे व्यवस्थापक उदय कुमार शस्त्रक्रियेदरम्यान रग्णालयात उपस्थित होते. लोककल्प 32 दत्तक गावांमध्ये आरोग्यसेवा, शिक्षण, उपजीविका आणि पायाभूत सुविधांच्या विकासात पुढाकार घेऊन वंचित समुदायांना पाठिंबा देण्यासाठी वचनबद्ध आहे.