लोककल्प फाऊंडेशन,‘नेत्रदर्शन’तर्फे मोतीबिंदू शस्त्रक्रिया

बेळगाव : लोककल्प फाऊंडेशन व नेत्रदर्शन सुपरस्पेशालिटी आय हॉस्पिटलतर्फे आमगावच्या एका व्यक्तीवर मोतीबिंदूची शस्त्रक्रिया करण्यात आली. खानापूर तालुक्यातील आमगाव हे दुर्गम भागात वसलेले असून तेथे आरोग्य सुविधा नाहीत. यासाठी लोककल्पने पुढाकार घेतला आहे. संस्थेच्या माध्यमातून नेत्रदर्शन येथे एका व्यक्तीवर मोतीबिंदू शस्त्रक्रिया करण्यात आली. नेत्रदर्शनचे डॉ. जगदीश पाटील यांनी ही शस्त्रक्रिया केली. त्यांना व्यवस्थापक मणिकांत व साहाय्यक व्यवस्थापक उदयकुमार यांचे सहकार्य लाभले. याप्रसंगी लोककल्पचे प्रसाद असूकर व प्रितेश पोतेकर उपस्थित होते.