पहिल्या रेल्वेगेटजवळ कार उलटली

बेळगाव : दुभाजकाला ठोकरून गोवा पॉसिंगची कार उलटली. गुरुवारी रात्री पहिल्या रेल्वेगेटजवळ ही घटना घडली असून या अपघातात सुदैवाने कोणतीही जीवितहानी झाली नाही. घटनास्थळी मोठी गर्दी जमली होती. गुरुवारी रात्री दुभाजकाला ठोकरून कार उलटली. कारमधील कोणालाही इजा पोहचली नाही. या संबंधी वाहतूक दक्षिण विभाग पोलिसांशी संपर्क साधला असता कारमधील कोणालाही इजा पोहचली नाही, असे पोलिसांनी सांगितले. दरम्यान गोवावेस सर्कलजवळही गुरुवारी रात्री सिमेंटवाहू ट्रकची कारला धडक बसून अपघात झाला आहे. वाहतूक दक्षिण विभाग पोलिसांनी घटनास्थळी भेट देऊन पाहणी केली आहे. या अपघाताचीही नोंद झाली नसल्याचे पोलिसांनी सांगितले.