बेळगाव : पावसाळ्यापूर्वी शहर व उपनगरातील धोकादायक झाडे हटविण्यासाठी महापालिकेकडून प्रयत्न सुरू आहेत. मात्र, प्रत्यक्षात वनखात्याकडून कारवाई होत नसल्याने धोकादायक झाडे कोसळत आहेत. त्याचा फटका नागरिकांना सहन करावा लागत असून बुधवारी वारा व पावसामुळे रुक्मिणीनगर येथे झाड कोसळल्याने कारगाडीचे मोठे नुकसान झाले आहे. बेळगाव शहरात शंभरहून अधिक धोकादायक झाडे असल्याचा प्राथमिक अहवाल उपलब्ध झाला आहे. झाडे तोडण्यासाठी दहा लाख रुपयांचा खर्च येत असल्याने सदर रक्कम महानगरपालिकेला ठेकेदाराला द्यावी लागणार आहे. झाडांची ए, बी, सी अशी वर्गवारी केली आहे. खरेतर यापूर्वीच धोकादायक झाडे हटविण्याची गरज होती. पण पावसाळा सुरू झाला असला तरी केवळ सर्व्हेच्या कामातच मनपा व वनखाते गुंतले आहेत. प्रत्यक्षात झाडे तोडली जात नसल्याने झाडांची पडझड होण्यास सुरुवात झाली आहे. संततधार पाऊस व वाऱ्यामुळे रुक्मिणीनगर येथील एक झाड कारगाडीवर कोसळले आहे. यामुळे कारमालकाचे लाखो रुपयांचे नुकसान झाले आहे. माळमारुती पोलीस स्थानकाच्या हद्दीत ही घटना घडली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
