शिरसी येथे कार जळून खाक

कारवार : शिरसी येथील श्रद्धानंद गल्लीत थांबलेल्या कारला अचानक आग लागल्याने ती जळून खाक झाल्याची घटना बुधवारी घडली. कार यल्लापूर येथील आरटीओ कार्यालयातील एजंट आणि ड्रायव्हिंग स्कूलचे मालक श्रीनिवास यांच्या मालकीची असल्याचे सांगण्यात आले. कारने पेट घेतल्याने नागरिकांची धावपळ सुरू झाली आणि एकच गोंधळ उडाला. काही नागरिकांनी आग विझविण्याचा प्रयत्न केला. तथापि, यश न आल्याने घटनास्थळी अग्निशमन दलाला पाचारण करण्यात आले आणि आग विझविण्यात आली. आगीचे कारण समजू शकले नाही. शिरसी शहर पोलीस अधिक तपास करीत आहेत.