पिरनवाडी येथे खानापूर रोडवर कारने पेट घेतल्याने खळबळ

मजगाव : पिरनवाडी येथे खानापूर रोड महामार्गावर भरचौकात धावत्या कारने पेट घेतला. मंगळवारी सायंकाळी 7.15 वा. खानापूरहून बेळगावच्या दिशेने जाणाऱ्या क्र. केए 02 एमजे 0342 या कारने छत्रपती शिवाजी महाराज चौकात अचानक पेट घेतल्याने चालकाने सावधगिरी बाळगून कारमधील नागरिक व ते सुखरूपपणे उतरले. त्यानंतर नजीकच्या नागरिकांनी पाण्याचा मारा करून सुमारे पंधरा मिनिटात आग विझविण्यात यश मिळविले. उपस्थित पोलिसांनी यावेळी चोहोबाजूची वाहतूक रोखली होती. सुदैवाने जीवितहानी किंवा स्फोट झाला नसल्याने नागरिकांनी नि:श्वास सोडला. यावेळी आग विझविताना बघ्यांची गर्दी झाली होती. तर काही तरुण मोबाईलमध्ये फोटो काढण्यात मग्न होते.