पोर्टलँड : टायटॅनिक जहाजाचे अवशेष दाखविण्यास गेलेल्या टायटन पाणबुडीचे अवशेष प्राप्त झाले आहेत. अनेक तुकड्यांमधील हे अवशेष कॅनडाच्या सेंट जॉन पोर्टवर आणले गेले. 18 जून रोजी ही पाणबुडी अटलांटिक महासागरात 12000 फूट खोलवर गेली होती, त्यानंतर ती गायब झाली होती. 4 दिवसांनी म्हणजेच 22 जून रोजी याचे अवशेष टायटॅनिक जहाजापासून 1600 मीटर अंतरावर दिसून आले होते. या दुर्घटनेत 5 जणांना जीव गमवावा लागला होता. अमेरिकेच्या तटरक्षक दलाच्या अधिकाऱ्यांनी पाणबुडीच्या अवशेषांमध्ये मानवी अवशेष मिळाल्याचे सागितले आहे. पाणबुडीच्या अवशेषांमध्ये लँडिंग फ्रेम, रियर कव्हर समवेत 5 हिस्से हस्तगत करण्यात आले आहेत. पाणबुडीचे अनेक अवशेष अद्याप टायटॅनिक जहाजानजीक आहेत. हे अवशेष देखील लवकर बाहेर काढण्याचा प्रयत्न केला जाईल. अवशेषांची फॉरेन्सिक तपासणी करून त्यात स्फोट का झाला होता हे जाणून घेण्याचा प्रयत्न केला जाणार असल्याचे तटरक्षक दलाकडून सांगण्यात आले
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
