कॅपिटल वनच्या एसएसएलसी व्याख्यानमालेला प्रारंभ

बेळगाव : कॅपिटल वन संस्थेतर्फे घेण्यात येणाऱ्या 16 व्या एसएसएलसी व्याख्यानमालेचा उद्घाटन समारंभ नुकताच ज्योती महाविद्यालयाच्या सभागृहात पार पडला. व्यासपीठावर संस्थेचे चेअरमन शिवाजी हंडे होते. प्रमुख पाहुणे म्हणून ठळकवाडी हायस्कूलचे ज्येष्ठ शिक्षक सी. वाय. पाटील, मराठी विद्यानिकेतन हायस्कूलचे बी. एम. पाटील व युवराज पाटील उपस्थित होते. व्याख्यानमालेची सुरुवात प्रमुख पाहुण्यांच्या हस्ते सरस्वती पूजन व दीपप्रज्वलनाने झाले. चेअरमन शिवाजी हंडे म्हणाले, विद्यार्थ्यांच्या भावी आयुष्याची सुरुवात म्हणून दहावी परीक्षेकडे पाहिले जाते. त्यामुळे विद्यार्थ्यांनी निर्भिडपणे या परीक्षेला सामोरे जाऊन उज्ज्वल यश मिळवावे, अशा शुभेच्छा त्यांनी दिल्या. मागील वर्षीच्या शिबिरामधील विद्यार्थिनी प्रेरणा पाटील हिने 99.04 टक्के गुण घेतल्याबद्दल तिचे कौतुक करण्यात आले. या कार्यक्रमाला कॅपिटल वन संस्थेचे व्हाईस चेअरमन शाम सुतार, संचालक रामकुमार जोशी, शिवाजी अतवाडकर, शरद पाटील, लक्ष्मीकांत जाधव, संजय चौगुले, सदानंद पाटील यासह इतर उपस्थित होते. यानंतर मराठी विषयाच्या व्याख्यानाला सुरुवात करण्यात आली.