लोककल्प, नेत्रदर्शनतर्फे माण गावात शिबिर

बेळगाव : लोककल्प फाऊंडेशन व नेत्रदर्शन हॉस्पिटल यांच्या संयुक्त विद्यमाने खानापूर तालुक्यातील माण गावामध्ये नेत्रचिकित्सा व आरोग्य चिकित्सा शिबिर घेण्यात आले. या शिबिरात नेत्रदर्शनचे डॉ. राहुल व कार्तिक यांनी रुग्णांची तपासणी केली. त्यांना पीआरओ उदयकुमार यांचे सहकार्य लाभले. लोककल्पचे सदस्य अनिकेत पाटील, संदीप पाटील, संतोष कदम, अनंत गावडे व त्यांच्या सहकाऱ्यांनी शिबिरासाठी पुढाकार घेतला. या शिबिरात डोळ्यांची तपासणी करण्यात आली. तसेच आरोग्याबाबत मार्गदर्शन करण्यात आले. या शिबिराबद्दल माण ग्रामस्थांनी लोककल्पचे आभार मानले.