बेळगाव : सार्वजनिक शिक्षण खाते व वनिता विद्यालय कन्नड व मराठी स्कूल आयोजित कॅम्प विभागीय माध्यमिक क्रीडा स्पर्धांना मोठ्या उत्साहात प्रारंभ झाला. जिल्हा क्रीडांगणावरती स्पर्धेच्या उदघाटन प्रसंगी प्रमुख पाहुणे म्हणून शहर पीओ जे. बी. पटेल, एस. एल. सुर्यवंशी, स्कूलच्या प्राचार्य शालिनी हुदली, कॅम्प विभागीय क्रीडा संघटनेचे अध्यक्ष एन. एस. भगवंतण्णावर, स्पर्धा सचिव ग्रेसी करकडा उपस्थित होते. प्रारंभी पाहुण्यांच्या हस्ते क्रीडा ध्वजारोहण करण्यात आले. उपस्थित शाळेच्या संघांनी पथसंचलन करुन पाहुण्यांना मानवंदना दिली. पाहुण्यांचे स्वागत अन्नपूर्णा नारायणकर यांनी केले. क्रीडापटू श्रध्दा नार्वेकर, अमृता दुदगावी, सर्व्हेश व सावक्का या खेळाडूंनी मैदानाभोवती क्रीडाज्योत फिरवून पाहुण्यांकडे सुपूर्द केली. सर्व खेळाडूंना सृष्टी बडीगेरने शपथ देवविली. दोन दिवस चालणाऱ्या या स्पर्धेत विविध क्रीडा प्रकार होणार आहे. यावेळी शारीरिक शिक्षक चेस्टर रोजारीयो, अॅन्थोनी डिसोजा, निडोणी, राजू हैबत्ती, प्रशांत देवदानम, महेश पुजारी, कामती मास्तीहोळी, आनंद चाल्स, प्रकाश बजंत्री, साकिब बेपारी आदी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
