मृतांमध्ये तीन मुले, 8 महिलांचा समावेश : 35 जखमी
वृत्तसंस्था/ ढाका
बांगलादेशच्या झालाकाथी येथील छत्रकांडा भागात एक बस तलावात कोसळली आहे. या दुर्घटनेत 17 जणांचा मृत्यू झाला असून 35 जण जखमी झाले आहेत. तर मृतामंध्ये 3 मुले अन् 8 महिलांचा समावेश आहे. दुर्घटनेसाठी चालकाचा निष्काळजीपणा कारणीभूत असल्याचे दुर्घटनेतून बचावलेल्या लोकांनी म्हटले आहे.
बशर स्मृती परिवहनची एक बस पिरोजपूरच्या भंडरिया येथून बरिशालच्या दिशेने जात असताना महामार्गावर छत्रकांडामध्ये रस्त्यानजीकच्या तलावात बस कोसळली. बुडालेल्या बसमध्येच अडकून पडल्याने अनेकांना जीव गमवावा लागला आहे. अग्निशमन दलाच्या पथकाने क्रेनच्या मदतीने ही बस तलावातून बाहेर काढली आहे. बांगलादेशात रस्ते दुर्घटनांचे प्रमाण तुलनेत अधिक आहे.
