संख, वार्ताहर
Sangli : जत तालुक्यातील जाडरबोबलाद येथील केदारी विठ्ठल मलाबादी ( वय ६९) यांचे अज्ञात चोरट्याने घराचे कुलूप तोडून १ लाख २४ हजार रुपयांचे ऐवज लंपास केले. ही घटना सायंकाळी पाचच्या दरम्यान घडली.याबाबत केदारी मलाबादी यांनी उमदी पोलिस ठाण्यात फिर्याद दिली आहे.
अधिक माहिती अशी की, जाडरबोबलाद पासून दोन किलोमीटर अंतरावर मारोळी रस्त्यालगत केदार मलाबादी यांचे घर आहे. केदार मलाबादी हे कामानिमित्त गावात गेले होते.तर पत्नी, मुलगा, सून हे शेतातील कामासाठी घराला कुलूप लावून कामाला गेल्या होत्या.याच संधीचा फायदा अज्ञात चोरट्याने घेऊन घराचे कुलूप तोडून प्रवेश करून घरातील लोखंडी तिजोरी उघडून त्यातील ८७००० हजाराची ३५ ग्रॅम चे सोन्याचे पदक असलेले गंठण,२५००० हजार रुपयाचे १० ग्रॅम ३२ मनी असलेले सोन्याचे बोरमाळ,१२००० रुपयाचे ५ ग्राम सोन्याची अंगठी असे एकूण (१२४०००) एक लाख चोवीस हजार रुपयाचे ऐवज अज्ञात चोरट्यांनी डल्ला मारला.
घटनास्थळी उपविभागीय पोलीस अधिकारी अश्विनी शेंडगे यांनी भेट दिली.अधिक तपास उमदी पोलीस करीत आहेत.
