Bullish trend continues in the Indian market

सेन्सेक्स 52 तर निफ्टी 33 अंकांनी वधारला : युपीएल तेजीत

वृत्तसंस्था /मुंबई

भारतीय भांडवली बाजारातील चौथ्या सत्रात गुरुवारी बीएसई सेन्सेक्स व एनएसई निफ्टी यांच्या निर्देशांकांमध्ये तेजीची झुळूक राहिली आहे. यामध्ये निफ्टी 20100 अंकांच्या वरती कार्यरत राहिला होता. तसेच युपीएल, हिंडाल्को आणि ओएनजीसी यांचे समभाग हे वधारुन बंद झाले आहेत. यासह एशियन पेन्ट्स, कोल इंडिया, आयटीसी, लार्सन अॅण्ड टुब्रो, माइंडट्री आणि ब्रिटानिया यांचे समभाग हे सर्वाधिक नुकसानीत राहिले आहेत. प्रमुख कंपन्यांच्या मदतीने गुरुवारी बीएसई सेन्सेक्स 52.10 अंकांसह 0.08 टक्क्यांच्या मदतीने निर्देशांक 67,519.00 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी हा 33.10 अंकांनी वधारुन निर्देशांक 0.16 टक्क्यांसह 20,103.10 वर बंद झाला आहे.

या क्षेत्रांची स्थिती

गुरुवारच्या सत्रात एफएमसीजीचा निर्देशांक काहीसा घसरणीत राहिला आहे. याच दरम्यान ऑईल अॅण्ड गॅस, रियल इस्टेट, धातू आणि पीएसयू बँक यांचे निर्देशांक हे एक टक्क्यांच्या तेजीसह बंद झाले. तर बीएसई मिडकॅप व स्मॉलकॅप यांचे निर्देशांक एक टक्क्यांनी वधारले आहेत. दिग्गज कंपन्यांमध्ये महिंद्रा अॅण्ड महिंद्रा यांचे समभाग हे 2.50 टक्क्यांनी वधारले आहेत. यासह टाटा स्टील, टेक महिंद्रा, नेस्ले इंडियाचे समभाग एक टक्क्यांपेक्षा अधिकने वधारुन बंद झाले. यासह पॉवरग्रिड कॉर्प, इन्फोसिस, एचसीएल टेक, अॅक्सिस बँक, अल्ट्राटेक सिमेंट, लार्सन अॅण्ड टुब्रो, एनटीपीसी आणि विप्रो यांचे समभाग हे तेजीत राहिले आहेत. अन्य कंपन्यांमध्ये सेन्सेक्समध्ये एशियन पेन्ट्सचे समभाग हे 1.04 टक्क्यांनी प्रभावीत राहिले. तर आयटीसी, सनफार्मा, बजाज फिनसर्व्ह, भारती एअरटेल, टाटा मोर्ट्स, हिंदुस्थान युनिलिव्हर, आयसीआयसीआय बँक आणि एचडीएफसी बँक यांचे समभाग हे नुकसानीसह बंद झाले आहेत. रुपया नुकसानीत डॉलरच्या तुलनेत रुपया घसरणीसह 83.03 वर बंद झाला आहे.

समभाग वधारलेल्या कंपन्या