तेलंगणा विधानसभेतील बीआरएसचे आमदार राठौड बापू राव आणि काँग्रेस नेते चलमाला कृष्ण रेड्डी हे भाजपमध्ये सामील झाले आहेत. भाजप प्रदेशाध्यक्ष जी. किशन रेड्डी आणि भाजप अध्यक्ष जगतप्रकाश नड्डा यांच्या उपस्थितीत आमदार बापू राव आणि त्यांचे सहकारी भाजपमध्ये दाखल झाले. पक्षप्रवेशानंतर या नेत्यांनी केंद्रीय गृहमंत्री अमित शाह यांची भेट घेतली आहे. सत्तारुढ बीआरएसने बापू राव यांना उमेदवारी नाकारली होती. तर कृष्ण रेड्डी हे मुनुगोडे मतदारसंघात काँग्रेसच्या उमेदवारीसाठी इच्छुक होते. परंतु काँग्रेसने माजी आमदार कोमाटिरेड्डी राजगोपाळ रेड्डीयांना मुनुगोडे मतदारसंघाची उमेदवारी दिली आहे. राजगोपाळ रेड्डी हे अलिकडेच भाजपमधून बाहेर पडत काँग्रेसमध्ये परतले होते. राजगोपाळ रेड्डी यांच्या राजीनाम्यामुळेच मागील वर्षी मुनुगोडे मतदारसंघात पोटनिवडणूक झाली होती.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
