केएलई टेक्नॉलॉजीची चमकदार कामगिरी

बेळगाव : केएलई टेक्नॉलॉजी युनिव्हर्सिटीने राष्ट्रीय स्तरावरील स्पर्धेत चमकदार कामगिरी केली. ग्रेटर नोएडा येथील बुद्ध इंटरनॅशनल सर्किटमध्ये आयोजित राष्ट्रीय स्तरावरील मोटारस्पोर्ट्स इंजिनिअरिंग स्पर्धेत एसएई-2025 च्या वेगदूत पथकाने दुसरा क्रमांक पटकाविला. एनआयआरएफ इंडिया रँकिंग 2025 अंतर्गत केएलई टेक्नॉलॉजीकल युनिव्हर्सिटीला भारत सरकारच्या शिक्षण मंत्रालयाने सलग तिसऱ्या वर्षी अभियांत्रिकी श्रेणीत (रँक बँड 151-200) स्थान दिले आहे. या दोन्ही कामगिरींनी केएलई टेक्नॉलॉजीकल युनिव्हर्सिटीत मानाचा तुरा खोवला गेला आहे. राष्ट्रीय स्तरावर अभियांत्रिकी शिक्षण, संशोधन, नवोन्मेष व अनुभवात्मक शिक्षणात उत्कृष्ट कामगिरी करण्यास युनिव्हर्सिटीला प्रोत्साहन मिळाले आहे. या यशामुळे युनिव्हर्सिटीचे सर्वत्र कौतुक होत आहे.