केएलई शताब्दी हॉस्पिटलतर्फे स्तनपान सप्ताह

बेळगाव : केएलई शताब्दी हॉस्पिटलतर्फे स्तनपान सप्ताह साजरा करण्यात आला. यानिमित्त दि. 7 रोजी येळ्ळूर रोडवरील केएलई हॉस्पिटलमध्ये आयोजित कार्यक्रमास प्रमुख पाहुणे म्हणून डॉ. एच. बी. राजशेखर, इनरव्हील क्लबच्या अध्यक्षा मंजिरी पाटील, रोटरी क्लब अध्यक्ष जयदीप सिद्दण्णावर तर अध्यक्ष म्हणून हॉस्पिटलचे संचालक डॉ. एस. सी. धारवाड उपस्थित होते. यावेळी डॉ. राजशेखर म्हणाले, मातेचे दूध हे बाळासाठी सर्वाधिक उपयुक्त आहे. त्यामुळे या दुधाला संजीवनी असे म्हटले जाते. प्रारंभीच्या काही दिवसांमध्ये मातेच्या दुधाशिवाय बाळाला काहीही देऊ नये. मातांनी स्तनपानाचे महत्त्व लक्षात घ्यावे व ज्या अर्भकांना मातेच्या दुधाची गरज आहे त्यांना स्तनपान करावे. डॉ. एस. सी. धारवाड यांनी कर्नाटकात बालमृत्यूचे प्रमाण लाखामध्ये 21 आहे.  माता स्तनपान करत असल्यामुळे मुलांची वाढ उत्तम होत आहे. तथापि, हे प्रमाण कमी करणे आवश्यक आहे, असे सांगितले. मंजिरी पाटील यांनी इनरव्हील क्लब, स्तनपानासंदर्भात जागृती करत असून आरोग्याच्या अनेक प्रश्नांवर कार्य करत असल्याचे सांगितले. डॉ. राजेश्वरी कडकोळ यांनी स्वागत केले. डॉ. विकास गणेशवाडी यांनी आभार मानले. संतोष इतापे यांनी सूत्रसंचालन केले. या कार्यक्रमासाठी डॉ. सतीश धामणकर, डॉ. एम. एस. क•ाr, डॉ. मुक्ता अलकुंटे, डॉ. संतोषकुमार यांचे सहकार्य लाभले.