कुलूप तोडून थेट मिलमध्ये
वसुलीसाठीचा प्रकार व्हिडिओ व्हायरल
कोल्हापूर
हुपरी रोडवरील अभिषेक स्पिनींग मिल्समध्ये गुंतवणूक केलेली रक्कम पतन मागण्यासाठी माजी आमदार प्रकाश आवाडे कुलूप तोडून थेट आत घुसले. मिल्स मधील कर्मचाऱ्यांनी गेट न उघडल्याने कुलूप तोडा कोण काय करते बघायचय असं म्हणतानाचा व्हिडिओ सोशल मीडियावर व्हायरल झाला आहे. या संदर्भात गोकूळ शिरगांवर पोलिसांत रात्री उशिरापर्यंत कोणतीही नोंद झाली नव्हती. या घडलेल्या प्रकाराची माहिती पोलिस अधीक्षकांना कळविले असून ११२ क्रमांकावर माहिती दिल्याचे मिल्सच्यावतीने सांगण्यात आले आहे.
या घडलेल्या घटनेची मिल्सकडून मिळालेली माहिती अशी, २०१९ च्या आधी मिल्ससाठी मिल्सचे भागिदार अण्णासाहेब मोहिते यांना आर्थिक गरज होती. यासाठी तत्कालीन आमदार प्रकाश आवाडे यांच्या संपर्क साधला. आणि त्यांच्या बॅंकेतून कर्ज द्यावे अशी मागणी केली. याप्रसंगी माजी आमदार आवाडे यांनी कर्ज न देता, स्वतःजवळी ४ ते ५ कोटी रुपये या प्रकल्पामध्ये गुंतवले. यामुळे ते या प्रकल्पाचे भागीदार झाले. दरम्यान या प्रकल्पासंबंधी इचलकरंजी मधील एक वकीलांनी उच्च न्यायालयात काही तक्रारी केल्या आहेत. यामुळे प्रकल्प सुरु होण्यास अडचणी उभ्या राहिल्या आहेत. या केस चा निकाल मात्र मिल्सच्या बाजूने लागला. परंतु यासाठी नंतर करावी लागणारी गुंतवणूक न करता ते यातून बाहेर पडले. दरम्यान मोहिते यांचे निधन झाले. या प्रकल्पही फारसा चालला नाही. दरम्यान आवाडे यांनी मी केलेली गुंतवणूक व्याजासहीत परत करावी अशी मागाणी केली. मागणी करुन दोन ते तीन महिने झाले तरी पैसे परत न मिळाल्यामुळे मंगळवारी आवाडे हे कुलुप तोडून मिल मध्ये घुसले. कामगारांशी काही प्रमाणात वादावादीही झाली
हा आमचा घरगुती मॅटर आहे, त्यामध्ये बातमी देण्यासारखं काहीच नाही व्हायरल व्हिडिओ नंतर प्रकाश आवाडे यांनी प्रतिक्रिया ही दिली.
